TVB視後胡定欣出席新劇《包青天再起風云》宣傳活動，佢話期待新劇出街，因為自己好耐冇劇集播出，坦言好擔心自己今年冇劇集出街：「我呢兩三年拍嘅劇都係暑假播出，而且成績同收視都好好，希望今次呢套都係。」
據悉，胡定欣因為唔續約，所有喺TVB而冇劇拍？佢坦言《包青天再起風云》的確係佢現時最後一套劇。
「之前有套劇原定六、七月開，但最近收到通知取消咗，而呢一刻仲未收到消息有乜劇會拍，不過拍唔拍唔關我合約嘅事，因為劇本上仲未處理好，或者將來會拍。（你幾時約滿？）仲有一段時間。」 
有傳TVB有意請佢同舊愛馬國明合作新劇，佢表示馬國明拍攝嘅劇集冇佢份，自己都希望可以同馬國明合作，至於網民想兩個人復合，唔知道胡定欣點睇呢。
胡定欣回應：「大家講笑，因為佢有劇出街，所以多咗唔同話題，佢套劇《白色強人》有好成績，我都替佢開心，我都有睇。」
Like MisshkNews Facebook！不出门也能知天下事～
