TVB花旦陳煒喺2008年嫁臺灣富商顏志行，可惜婚姻維持咗四年最終分手收科，自從2012年離婚之後，佢一直單身七年，連緋聞都係零。
直至最近終于有新戀情，同細5歲失婚醫生拍拖，兩個人感情一日千里。
日前，佢就畀拍到喺超市掃紅酒牛扒，煮飯仔冧男友，此外，佢喺仲黃埔區物色靚樓，明顯為儲嫁妝作好準備！
除咗愛情得意，陳煒呢幾年事業發展得相當順暢，舊年已經睇中東九龍近二千萬樓盤，日前佢再度出擊，與助手現身黃埔區幾間地產攞料，為“入貨”做足功課，專攻貴價樓，睇嚟想儲定多啲嫁妝，為將來結婚做足準備！
有拖拍自然心情靚，陳煒較早前到海南島商演期間，著上泳衣喺酒店泳池曬太陽，大騷驕人身材，玲瓏浮凸唔落于一眾後輩花旦，加埋拍緊拖嘅女人零舍靚，著上泳衣嘅佢相當吸睛！
戀情曝光之後冇幾耐，有人爆料指陳國強其實未離婚，仲有兩個女，直斥陳煒係小三。
陳國強後尾為女友發聲，否認佢未離婚，直言與陳煒開始拍拖時已恢復單身，佢仲話與前妻喺一年前已經離婚，已經搞掂手續，由于兩個女係同前妻共同撫養，所以雙方有見面。
當問到陳國強會唔會擔心負面報道令陳煒唔開心呀？佢話：“唔會，因為有我喺度！”
而陳煒得知男友公開發表愛的宣言，當然心花怒放，甜到漏話：“陳醫生都回應，我都冇嘢補充。”
Like MisshkNews Facebook！不出门也能知天下事～
