TVB花旦冇仔陪懶打扮，兩日唔換衫素顏出街

TVB花旦胡定欣唔經唔覺入行已經18年，2015年憑劇集《鬼同你OT》初登視後寶座，翌年憑《城寨英雄》再度封後，可惜事業得意，感情卻失意。

日前下午兩點幾，胡定欣獨自揸車離開西貢寓所前往銅鑼灣，泊好車奇後急急腳去發型屋，行入鋪頭即獲職員上去迎接，胡定欣亦同佢傾到笑笑口。

大概兩個鐘，剪完頭發嘅胡定欣未有趁機到附近Shopping，反而極速揸車翻歸。

第二日，胡定欣又再揸車出街，去附近超市掃貨，依然係冇仔陪嘅佢懶得打扮，素顏上陣之余，就連衫、褲、鞋都費事換，同尋日一樣打扮，連黑色手袋亦相同，就換咗一頂白色Cap帽。

見佢推住購物車周圍行，冇幾耐已經揀咗豆漿、麥片等健康食品，之後再去揀酒，期間發現記者一面愕然，付款之後，佢手持大袋戰利品揸車返屋企「食自己」，繼續做「宅女」。