TVB重頭劇《鐵探》自開播以嚟，網友就對惠英紅、許紹雄、姜皓文一班老戲骨嘅演技佩服不已，其實唔止前輩做得好，有份飾演“發瘟”嘅方紹聰都令人眼前一亮！
劇中嘅佢唔單止造型出位，人物設定都好特別，唔怪得佢直言呢系入行10年嚟最有發揮嘅一次。
雖然角色嘅戲份唔系好多，但系奸人嘅形象就讓人印象深刻，有幾場戲，方紹聰仲要用槍指著姜皓文，讓佢都有好大壓力，好彩對方給予好多空間，畀佢自由發揮，仲喺開機前安慰佢，可以大膽一啲，所以成個拍攝過程好開心！
再加監制為咗幫佢入戲，特登度身訂造咗一個造型畀佢，尤其系頸上嘅紋身，睇落好古惑仔，更令到佢一開機就知點演。不過落妝過程就好辛苦，首先要用落妝油唔停溶解顏料，大約要用9個鐘左右，先至可以真正搞完，所以到拍攝后期，由于造型嘅關系，方紹聰嘅皮膚變得好薄，稍微用啲力，就會擦親！
儘管如此，方紹聰依然覺得今次演出系一種享受。因為一直以嚟，方紹聰唔系客串路人甲，就系充當背景板，咪講話變身成為大明星，就系維持基本生活都好艱難！因為每月幾千蚊嘅月薪，連初入行嘅港姐都不如，真系難以生活！因此佢唯有利用閑暇時間，幫人送貨，或者做裝修工，餐廳服務員以幫補家用！
咁努力穩錢，除咗想讓屋企人過得好d之外，仲因為家姐患有輕微智障，唔可以獨自生活。以前家庭嘅重任都由老竇頂，但而家過咗60歲佢已經退休，方紹聰都唔想屋企人再咁辛苦，話曬老豆喺佢后生嗰陣，一個人打兩份工嚟養家，辛勞咗大半世，應該享受下清福，所以方紹聰，除咗自愿承擔部分家庭使用之外，仲使咗大半積蓄，買咗一只勞力士畀老豆做禮物！
積極向上又孝順顧家，讓方紹聰通過近10年嘅打拼，都開始得到唔同嘅演出機會，特別系舊年參演《特技人》嘅時候，為咗演出嘅效果逼真，佢親身上陣拍攝比火燒嘅場景，贏來一片好評！
當時幕后工作人員都提醒佢要諗清楚，因為做火人唔系一件輕松嘅事情，稍微唔注意就會出事。但方紹聰就覺得機會來之不易，可以博下畀監制留低好印象，對以后嘅發展百利而無一害，所以堅持上場！
都正因為有咁敬業，呢一兩年嚟，方紹聰終于唔洗再做茄哩啡 ，喺《堅離地》《18年后的殺人告白》到《機場警》，戲份都有咗保障，雖然唔系主角，但增加咗曝光度！
而家外出工作時，街坊市民都認得佢，有時仲會為其加油打氣，令方紹聰好開心！祝福佢未來嘅事業可以更上一樓，我相信有擔當肯上進嘅人，運氣都唔會太差！
Like MisshkNews Facebook！不出门也能知天下事～
