《2020年香港小姐》冠軍由大熱佳麗謝嘉怡奪得，選美結束之后更人氣急升密密接Job。另外落選佳麗張盈悅雖然止步12強，但卻畀TVB睇啱更順利簽約進入娛樂圈。
據悉TVB簽約張盈悅原因其一係TVB鬧花旦荒，其次係TVB認為張盈悅外形獨特又有性格，另外更加因為佢畢業于美國音樂同戲劇學院，擁有豐富舞臺劇經驗，所以獲TVB青睞火速向其招手。
喺張盈悅嘅社交平臺上面的確可以見到佢獨特嘅一面，佢唔單止喺參選港姐期間未有好似其他佳麗經營一個選舉賬號，而選擇大方公開素顏嘅相。
張盈悅尋日曬出郊游同睇馬騮嘅短片，見到佢以「四眼妹Look」上陣，佢留言話：「眼神洩露靈魂，一睇就知我冇精神。」
張盈悅又曬出舊年以學生造型演出嘅相，嚟自嘲現時年紀大：「歲月不饒人，蒼天生饒過誰？」
張盈悅參選港姐嗰陣有網民話佢好似蔡思貝，張盈悅顯得相當興奮「終于有人話我似蔡思貝，皆因屋企人都覺得我似。」
Like MisshkNews Facebook！不出门也能知天下事～
