喺香港，你要做一個藝人唔難，做模特、考訓練班、做發言者等等的方法都可以讓你一躍升龍門，只要你有真材實料又有進入娛樂圈的心，總會有一個途徑可以幫助你。
但即使做到個藝人，你要每個觀眾都鐘意你，就相當困難！唔好話個個都鐘意你，就算系唔憎你，對你冇乜感覺都好難！而家呢個網絡發達的年代，藝人們所做一件事都會畀無限放大，而且網民對你并唔會手下留情，一鬧就要多難聽就多肉酸。
TVB，呢個喺香港屹立多年的電視臺，近年畀網民不停的鬧，鬧佢不思進取，鬧佢一成不變，鬧佢越嚟越低質，好似TVB已經成為咗原罪一樣。而作為TVB的藝人，更加易畀網民嬲，所以呢次決定搵5個雖然喺TVB當紅的藝人，但一直以來都好有觀眾緣，而且網民會為佢哋講話，究竟系邊五個得咁犀利呢？
第5名 黃智雯（Mandy）
當年Mandy一出道，以一個眼鏡娘的形象示人，嗰時網民們都話佢戴眼鏡好靚，所以一早已經得到網民歡迎。直到唔戴眼鏡之后，演技又跟住上升，都開始做TV的后選花旦，踏入咗幾年的二線女角色檔期后，喺舊年《雜警奇兵》同《降魔的》之后，有唔少網民大贊佢演技突飛猛進，加埋今年《三個女人一個「因」》，簡直畀捧為視后大熱人選。
而佢個人都冇咩負面新聞，戀情上系同圈外男士，之前傳過分手，不過都冇乜人攞呢件事炒作。
第四名 麥美恩（Mayanne）
Mayanne系通過選港姐入行，得到第四名之后決定喺TVB娛樂新聞臺發展，之后慢慢向主持之路出發，最出名當然系《學是學非》。其攪笑兼大情大圣的形象得到網民贊賞，話佢系比較冇心機同比較純真的藝人，而Mayanne的人氣亦因為做主持而慢慢累積，喺TVB亦開始會做大show的司儀。
而佢亦好少負面新聞，不過呢排《big big channel大公司周年慶》里面，就被指好嘈，但相信都系因為big big channel的問題先會畀網民講兩句。
第三名 朱千雪（Tracy）
Tracy當年選港姐的時候，喺民意上系大熱的冠軍，可惜最終全民投票的環節竟然遇上服務器發生問題，最終得季軍，呢件事都已經畀網民大有可惜，從出道到而家一直都系網民的寵兒。
可以得寵當然唔簡單，Tracy系美貌與智慧的代表，又靚又唔停追求知識，而家又進修着法律博士學位。最重要的一個因素系，2014年的《EU超時任務》將Tracy的人氣推上高峰果，除咗劇情催化之外，其演技亦得到咗網民的認同。
第二名 馬國明
馬明于1999年加訓練班，喺TVB已經有十九年的歷史，喺呢接近20年的時間，一直都冇負面新聞，更加系緋聞的絕緣體，網民形容為佢系「TVB毒男」。
當年《On Call 36小時》飾演「一件頭」而大受歡迎，可惜未能封視帝，到舊年《降魔的》，亦被網民大舉追捧，可惜最終都只系獲得「最受歡迎電視男角色」。而馬明的「天然呆」照片大受網民歡迎，喺訪問上直言自己會睇AV亦得到網民大贊坦率。
第一名 李佳芯（Ali）
Ali攞冠軍相信唔會有人抗議，貼地的Ali出身唔系有錢，畢業后做過模特，從有線轉投TVB嗰陣已經30歲，當時網民先發現娛樂圈有呢個人，紛紛搵翻佢喺有線做主節目的相同片段，大贊Ali好靚。
而最令Ali出位的時間，當然系2年前《巨輪II》畀吳岱融大叫「臭雞」一幕，自此便吸引到網民的注意，慢慢開始，Ali每套劇都有人追捧。
除咗贊佢演技開始進步，生得好靚之外，Ali重有一個男友叫陳炳銓，同樣系圈內人。網民稱呼佢哋系「美女與野獸」。亦系咁，Ali畀網民贊揚「不是睇樣」的女仔，認為呢種女娶得過。
Like MisshkNews Facebook！不出门也能知天下事～
