日前，由《聲夢傳奇》參賽者主演嘅TVB新劇《青春本我》正式出街，劇集主要講述青春歌舞展現一班後生仔女活力一面，收視成績理想成功打響頭炮。
作為校園歌舞劇，首集總共有三段歌舞環節，包括開學喺學校門口跳唱插曲《快啲快啲》，校監王祖藍喺開學禮上領唱《開學禮》、《陽光》，同埋最后一段喺籃球場爭執嘅《兄弟幫》。
此外，Rock（何晉樂）、Archie（冼靖峰）、Eden（劉展霆）、少堅（李紹堅）四人嘅細路相竟然私器公用放入劇集中，而Archie細個嗰陣原來係一個肥仔，再次證明肥仔大過之后都可以係靚仔。
對于首播，炎明熹（Gigi）表示心情既興奮又緊張：「有啲同學仔話好期待睇，但有啲就無動于衷，冇太大留意。」
而姚焯菲（Chantel）坦言睇到自己嘅演出會好尷尬，佢話每位學員都有喊戲，坦言自己得一場用真眼淚，其余都係要靠滴眼藥水，反而Gigi嘅喊戲畀導演大讚！
另外，姚焯菲獲粉絲設計應援車造勢，佢話：「佢哋設計部車用咗好多心機，又洗咗好多錢，真係好多謝佢哋。」
一齊嚟睇一下《青春本我》劇照
Like MisshkNews Facebook！不出门也能知天下事～
