TVB御用皇帝唔憂生活，手持6層樓等收租，拍劇當自娛活動

李龍基80年代加入TVB，拍過逾40套劇集，上演過無數皇帝，笑言就連東海龍王同閻羅王都做過嘅佢，喺社交網更不時以朕自居。

1985年喺《鍾無艷》中與陳秀珠合作，飾演齊宣王。

2001年喺《尋秦記》中飾演秦始皇老豆異人莊襄王。

唱而優則演多年，李龍基系酒廊歌手出身，參加歌唱比賽畀發掘做全職歌手，早年曾為唔少電視劇演唱主題曲。

雖然貴為TVB御用皇帝，但都未能避過裁員計劃。

李龍基2001年畀TVB炒魷魚后都曾跌落谷底，但天無絕人之路，此后佢繼續四圍走埠登臺，保持一定嘅曝光率。

2017年之后，佢再次回歸TVB拍劇，駕輕就熟又再次演皇帝。

而現實生活中，67歲李龍基亦唔憂生活，可以退休環游世界，因為佢手持6層樓收租。

20年前李龍基已洞悉先機，喺深圳買優質樓投資，100萬可以買到一個四百幾呎嘅樓，而家已經升值，每個單位收租最低限7千。 近月《深宮計》效應令李龍基人氣急升，登臺身價繼續升。

李龍基坦言拍完《深宮計》已經元氣大傷，日開十九個鐘頭，之后平均工時都超過16個鐘，期間，腰患發作要去醫院打消炎止痛針。