現年52歲前TVB師奶殺手林文龍，最近忙于為新劇《致所有愛過的人》開工拍攝，今日佢喺社交網突然間發文透露，指自己喺拍劇中不慎受傷，佢又曬出傷勢相，可以見到佢頭皮位置有明顯多條血痕，睇嚟傷勢唔輕。
佢表示：「好多年未試過拍戲受傷，今日終於……好在頭骨冇事唔使留院！」
據悉，林文龍接受治療后已經返屋企好好休息，各位粉絲亦唔使太大擔心。 
1967年出世嘅林文龍，佢喺20歲嗰陣參加超級新星選舉之后加入TVB，早期出道嘅時候，林文龍亦同多數新人一樣喺從低做起步，喺眾多劇集中飾演閑角、配角，戲份唔算太多。
直到后來喺《人在邊緣》中擔任第三男主角飾演劉志基先嶄露頭角。
之后，林文龍開始備受力捧，戲份都越嚟越多，相繼喺多部劇集中擔任重要角色，比如《本草藥王》、《法證先鋒》、《十兄弟》、《法證先鋒II》、《布衣神相》等，相信睇到劇名，相信大家有印象，特別系《法證先鋒》系列，佢飾演嘅法醫阿Sam實在深入民心。
2012年，林文龍轉投到香港電視網絡旗下發展，并相繼主演劇集《三面形醫》、《夜班》以及《天網》等。
雖然呢啲劇集都冇喺TVB播放，但收視率都系好唔錯，特別系《夜班》，林文龍飾演嘅程sir一角依然系魅力無法擋。
直到2016年，林文龍先以自由身嘅身份重返無線拍劇，與宣萱合作TVB首部4K電視劇《不懂撒嬌的女人》，呢部劇集播出后，馬上深受廣大網民熱捧，林文龍嘅人氣亦急速上升。
次年，佢又與鐘嘉欣喺《再創世紀》中再合演情侶，勾起唔少粉絲集體回憶。
林文龍曾經喺訪問中表示，自己更以家庭為重，為咗陪伴女兒成長，老婆郭可盈亦放棄當年如日中天嘅演藝事業選擇息影，專心喺屋企湊女。
而自己為咗養家繼續活躍幕前，不過對于賺錢，林文龍坦言唔使多，足夠畀妻女過上好生活就夠。佢每年平均拍一部劇，希望可以用多啲時間擺喺家庭度，認真絕世好男人！
Like MisshkNews Facebook！不出门也能知天下事～
