日前，TVB嘅新劇《致所有愛過的人》已經全部拍攝完畢，一眾臺前幕后都紛紛出席煞科宴，場面好熱鬧。不過，大家喺同一個劇組中，相信都產生咗深厚嘅感情，但系天下無不散之筵席，相信將來總有機會大家可以再度合作。
不嬲眼淺嘅連詩雅，喺煞科宴中都自爆自己喺拍攝最后一日戲份嘅時候，由于深有感觸竟然不自覺喊咗出嚟，身邊嘅好友都紛紛出言安慰。
佢就表示：「因為呢三個半月嚟，成日對住同劇演員，尤其系得最多有馬貫東、黃翠如同陳自瑤，佢哋見到我喊，令佢哋諗起拍第一部劇嗰陣嘅感受，之后我需要用幾日時間去沉淀自己嘅情緒，因為我真系好失落。」
自從舊年加盟星夢之后，連詩雅嘅工作可以講系一件接一件，除咗上次喺《使徒行者2》中客串過臥底之外，今次喺新劇《致所有愛過的人》中佢更加系首次喺TVB中擔任重要戲份，對于佢嚟講系一個機會，都系一次挑戰。
佢話：「我真系冇試過，我嘅戲份場口，每一場都會有我，一個接一個，有一刻我真系集中唔到，講對白好似食螺絲噉，不過最后都慢慢習慣克服到。」
1988年生嘅連詩雅喺入行前曾經擔任過模特，后來喺2010年正式出道嘅佢，推出多首歌曲更加系大受歡迎，比如《I’m still loving you》、《到此為止》、《好好過》、《灰伯爵的奶油遐想》、《只要和你在一起》、《說一句》等。
除咗音樂方面嘅成績之外，連詩雅喺2011年參演電影《喜愛夜蒲》之后，憑借其大膽演出而獲得唔少正面評價，因此而備受關注，人氣急升。仲有《短暫的生命》、《第一次不是你》、《溝女不離三兄弟》、《沒女神探》、《春嬌救志明》等。
唔理點樣，期待連詩雅喺《致所有愛過的人》中嘅精彩演出，大家千祈唔好錯過！
Like MisshkNews Facebook！不出门也能知天下事～
