日前，TVB小花連詩雅出席咗捐血活動，不過喺會上佢就自爆由於自己本身就有貧血，所以有時想捐血都有心無力，不過自己一路都有意識要做身體檢查，但始終都系好驚抽血同打針。
佢回憶返當時檢查嘅糗事話：「記得有一次喺泰國做身體檢查，一抽血我又喊又叫到好大聲，啲姑娘都呆咗，覺得點解香港女仔會噉樣嘅，仲要隔籬嘅姑娘都沖入嚟問發生咩事。」 
不過較早時佢同男友徐浩，喺出席一個音樂節目嘅時候傾到生BB嘅問題，連詩雅曾經直言好鐘意小朋友，更表示如果唔系入行會好快生BB做媽咪，當時有唔少嘅網民都笑指佢系一個畀入行耽誤嘅好媽咪。
佢話：「會同好多女性朋友傾，例如順產、陪月等，我而家連陪月電話、價錢、保險嗰啲都知道，有research，因為我好中意小朋友，如果唔系入行我都會早生小朋友，不過都唔緊要，因為啱啱接觸拍劇，而且都想出多啲歌。」
然後連詩雅講到咁驚抽血，如果到時佗B會需要做好多身體檢查，各種抽血化驗，相信連詩雅為咗腹中BB一定都會堅持。
佢就表示：「我都驚呀，不過到時再算，如果要生嘅話，我至少會用一年時間去調理身體再嘗試去生，好多朋友用好多方法去調理身體，例如注重飲食、食補品，我都有取經。雖然未咁快生，而家學定，如果要生嘅話先用一年調理，再嘗試生，搞到嚟都應該要幾年。」
1988年出世嘅連詩雅，喺入行前曾經擔任過模特，後來便以歌手嘅身份出道，期間，佢曾經推出過多首膾炙人口嘅作品，比如《灰伯爵的男友遐想》、《到此為止》、《好好過》、《只要和你在一起》、《水星逆行》等。
不過而家佢都簽約星夢，曾經客串過《使徒行者2》嘅佢，都會喺跟住落嚟嘅新劇《致所有愛過的人》中將會有份出演，唔知到時佢又會畀我哋帶嚟點精彩噶演出呢？期待！ 
Like MisshkNews Facebook！不出门也能知天下事～
