唔經唔覺好快就到中秋佳節，「TVB小花」莊思敏日前就到荃灣出席咗迎中秋慈善活動，一路熱衷做慈善事業嘅莊思敏，對此都大贊呢個活動好有意義。
莊思敏今年已經39歲，到而家仲保持單身嘅佢，對于生細路仲保持順其自然嘅態度，佢話：“隨緣啦。（首先要揾到男友？）嗯，或者精子銀行。（有冇諗過？）早幾年有諗過。
但而家科技發達，發覺有AI（人工智慧）細路，起碼唔會惹你嬲，因為可以拔佢舊電、拔佢喉。”
至於胞妹莊思明日前與男友揚明，一齊飛去馬來西亞為媽咪慶祝生日，不過喺相中就未有發現莊思敏嘅身影，對此佢就解釋由於自己要開工，所以早半個月左右就已經提前返去為媽咪慶祝生日。
問到媽咪生日愿望嗰陣，莊思敏笑言：“佢應該都係想身體健康。（佢已經放棄咗你？）唔係，可能怕生日愿望講出嚟就唔靈。（佢冇再催你？）呢啲冇得催，要慢慢揾。”
1980年出世嘅莊思敏，喺2000年嗰陣就正式入行，喺各大商場擔任司儀或者模特，直到喺2008年先轉投TVB，繼續發展其演藝事業。
期間，莊思敏參與演出過唔少嘅劇集，比如《好心作怪》、《潮流教主》、《幕後玩家》、《乘勝狙擊》、《誇世代》、《溏心風暴3》、《波士早晨》、《荷里活有个大老千》等。
據悉，喺跟住落嚟嘅新劇《解決師》、《網絡騙案》、《逆天奇案》中莊思敏同樣有份演出，大家不妨一齊拭目以待啦！
Like MisshkNews Facebook！不出门也能知天下事～
