日前，「TVB小花」鄧佩儀（Gloria）現身電視城出席TVB綜藝節目《兩個小生去Camping》宣傳活動。提起去Camping，鄧佩儀坦言細個嗰陣好鐘意。
鄧佩儀仲話：「細個嗰陣幾日唔沖涼都冇問題，但係人大咗，女仔原來有太多嘢要煩，亦都知道女仔去Camping都會比較辛苦，所以兩日一夜嘅Camping我都可以接，一兩次都OK嘅。」
鄧佩儀被問到喺熱播劇集《降魔的2.0》中同胡鴻坤有咀戲，雙方事前有冇溝通？鄧佩儀坦言話：「冇，因為我同佢好熟，佢係我入行識嘅第一個朋友，所以大家都冇乜話事前要點溝通同排戲，一嚟就演。」
問到會唔會因為拍得投入得滯情不自禁伸脷？鄧佩儀笑言：「我點會係呢啲咁嘅人，我出名係好清純，哈哈，一定唔會發生。」
鄧佩儀出身于選美嘅佢，係2013年國際中華小姐冠軍得主，自從簽約TVB到而家，佢一直備受栽培同力捧。
呢幾年，鄧佩儀人氣急升更上位成為TVB新晉花旦之一，佢先後參演咗幾部高人氣劇集，演技大受觀眾好評同贊賞！
作品包括《再創世紀》、《鐵探》、《幕後玩家》、《金宵大廈》等，期待鄧佩儀繼續為觀眾帶來多啲精彩作品！
Like MisshkNews Facebook！不出门也能知天下事～
