TVB小花生日獲劇組驚喜慶生 前輩惡作劇搞到壽星女一面忌廉

昨日系藝人江嘉敏生日，現時佢正于臺灣拍攝TVB劇集《殺手》，好彩得一班好拍檔，好似黎耀祥、高海寧（高Ling）、江美儀、陳豪（阿Mo）等齊齊為佢慶祝，大家開心，更搞到江嘉敏一面忌廉！

之后，江嘉敏接受訪問時謂：「好開心呀！我自己系第一次唔喺香港過生日，上年系香港拍《兄弟》，佢哋仲要系做咗戲咁畀我驚喜，原本嗰場戲得美儀姐同祥哥，我見到高Ling同阿Mo喺附近行嚟行去，我仲問，點解佢兩個會喺呢到，佢哋都唔使開工，邊個知美儀姐話大家收工一齊食飯。」

眾人講到「美麗的誤會」，又做咗一場戲，突然間黎耀祥講咗句好特別對白，點知監制陳維冠、高Ling同阿Mo就捧咗三個蛋糕出嚟，江嘉敏話：「自己第一次咁多人幫我慶祝生日，仲第一次畀人用生日蛋糕『質』面，我哋仲一齊去食客家菜，啲嘢好食，好有特色！」生日過得好幸福開心，食咩都食啦！