呢排，TVB新劇《七公主》正在拍攝當中，劇集由黃翠如、林夏薇、高海寧同江嘉敏等人主演，以七個唔同年齡層女性嘅故事為主題，講述佢哋相遇嘅故事。
不過，原來「TVB宅男女神」陳瀅都有份出演，據悉佢係客串演出，當日可見，鄺潔楹同高海寧都有化足曬妝拍劇，唯獨得陳瀅犧牲色相以「阿姐look」上陣，佢為咗拍劇真係完全冇女神包袱！
而陳瀅仲話：「呢次我飾演社會低下階層，呢次最大嘅特色就係唔好化妝，讓最真實嘅一面畀人睇，而且仲要加多少少黑眼圈，同埋我要飾演嘅角色性格唔係好鍾意同人講嘢。」
陳瀅更形容角色係一個「苦女」，從大陸來香港生活，而且生活得唔好，而我喺劇中同鄺潔楹係好朋友，呢個角色會畀人開朗率直嘅感覺，希望呢次會給人一種新鮮感！
講到陳瀅，其實佢喺2010年出道嗰陣主要係做模特兒同拍戲，陳瀅喺2014年參與《女人俱樂部》劇集演出，為觀眾帶嚟新鮮感，更加畀網友封為「TVB宅男女神」，短短幾年內極速上位。
陳瀅喺6年內有份參演16部劇，而且大部分劇集嘅戲份都唔算少，第二部參演《四個女仔三個BAR》，佢已經係其中一位女主角。
且陳瀅呢幾年除咗拍劇又拍電影，喺《寒戰》系列都有佢嘅身影，雖然事業忙，但陳瀅緋聞也不斷。
陳瀅先後同陳家樂、賭王四太大兒子何猷亨、羅天宇傳出戀情，不過陳瀅唯一承認過嘅男朋友就係何猷亨。
而家，陳瀅同何猷亨又再度舊情復燃，當初四太太梁安琪非常認可陳瀅呢個未來新抱，仲帶住陳瀅出入好多公共場所。
陳瀅本身係嚟自豪門，父母都係大陸樓盤商場高層，同何猷亨都算係相襯。
唔理點樣，都係希望陳瀅喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
