TVB小花李蘊，近年定居喺廣州專心照顧家庭同一對啲仔女，不過今日佢突然間現身社交平臺曬出一張哭別寵物貓「阿扁」嘅相，令唔少網民都好心酸同動容。
原來，呢隻寵物貓「阿扁」系從細陪伴李蘊長大嘅朋友，到而家已經19歲，呢個年齡對于貓而言，絕對系高齡，據悉「阿扁」因為年事已高，最近身體機能陸續出現問題，命懸一線。
李蘊表示自己專登喺廣州趕返香港屋企，為探望病重嘅「阿扁」，但估唔到當「阿扁」見到李蘊出現之後，竟然就此離去，好似了卻咗心事一樣。
佢發文留言：「Good Bye Dear，19歲！尋日返香港見一見病重嘅阿扁，跟住佢就乖乖上咗彩虹橋，你最黐我，見完我就放心走啦啱唔啱？我愛你，唔使掛心我，去阿毛玩啦，知道嗎？」
其實，李蘊喺留言提及嘅「阿毛」，都系一只自細陪伴佢成長嘅愛貓，可惜「阿毛」喺前年因為年紀大已經過咗身。 
而好友方力申都現身評論留言安慰李蘊，佢話：「Did u put her to sleep or she left peacefully？我明你感受，佢有你呢個主人已經系福氣！堅強！」
喺呢度，希望李蘊節哀，希望「阿扁」一路走好，揾到昔日好伙伴「阿毛」！
Like MisshkNews Facebook！不出门也能知天下事～
