「TVB小花」湯怡同洪卓立舊年11月宣佈分手，結束咗長達11年戀情，各自感情生活成迷。而湯怡尋晚喺社交平臺竟然曬出「大肚相」，仲留言話：「好多人大肚都會影寫真，我都唔例外」，究竟邊個係經手人？
相中嘅湯怡身穿黑衫黑褲，掀起上衣露出肚腩，十足十平時準媽咪影嗰種大肚相，孕婦味好濃，爭啲想留言恭喜佢，點知原來唔係真係有咗BB，只係食得太多導致。
湯怡話：「呢個肚係九月底喺巴黎時裝周養大嘅，短短幾日食到四個月咁大。」湯怡仲話之前喺香港試嘅衫，去到巴黎連拉鏈都拉唔埋，睇嚟真係食得好開心。
湯怡平時做開運動又瘦到營養不良咁，今次搞到個肚咁大，真係要好好減翻個肚腩仔喇！
作為女藝員，掀起個肚扮大肚婆，曬自己嘅丑態真係好貼地好有「吉士」，獲得粉絲大贊「So brave！」
Like MisshkNews Facebook！不出门也能知天下事～
