「TVB小花」孫慧雪喺2016年12月23日同圈外男友羅天彥結婚，結婚之後生咗仔仔Riley，事隔3年佢哋喺結婚3周年紀念日，再次喺教堂行禮，接受天主祝福。
孫慧雪今日喺社交平台分享當日婚禮嘅相，并留言話：三年前嘅今日，我哋嘅婚禮，并無選擇任何宗教儀式去進行！
上個禮拜神父幫我哋揀咗今日接受上主嘅祝福，啱啱係我哋三周年紀念日，我哋自己其實都唔記得喇！
有咗Riley喺嘅婚禮，真係好嘈，但好溫暖♥️ ＃三周年紀念＃同呢個人再埋多次婚喇！
而呢個婚禮好低調，孫慧雪仲要係自己化妝Set頭，簡單而隆重，網友紛紛留言送上祝福，祝佢哋永遠幸福呀！
Like MisshkNews Facebook！不出门也能知天下事～
