華姐出身嘅TVB小花楊秀惠，馬來西亞籍嘅喺佢20歲參選《2004年國際華裔小姐》獨闖香港，可惜最後止步五強，但其後TVB力捧出道，拍攝青春偶像劇《赤沙印記＠四葉草.2》。
不過近年開始「轉運」，舊年首次做女一演出《十八年后的終極告白》，更憑《大帥哥》飾演艾妞一角，獲網民激贊演技大爆發，更加獲提名《萬千星輝頒獎典禮2018》「最佳女配角」吐氣揚眉。 
楊秀惠入行以嚟緋聞唔多，最令人深刻嘅係佢同孫耀威有一段情。2007年兩個人合作劇集《Click入黃金屋》傳出緋聞，之後女方擔任孫耀威嘅音樂電影《分手公司》女主角，一直低調發展地下情同有傳同居，但拖友關係就維持一年幾。
之後楊秀惠與著名測量師麥鏡開兒子、從事金融行業嘅Ray拍拖，經常雙雙現身圈中好友聚會，包括2010年出席莊思敏嘅生日party，但感情維持得兩年，有傳係女方主動提出分手。
直至2012年，真命天子先至出現，楊秀惠畀發現與葉氏富貴男友喺半山同居，經常傳出婚信，楊秀惠曾經表示希望盡快結婚生B，自嘲「姐姐年紀都大」，覺得結婚生仔一定會發生喺自己身上，更加憧憬喺歐洲舉行婚禮。
呢排楊秀惠畀爆出今年初喺外地秘密結婚，并于上個月喺香港正式入紙申請注冊，以原名楊㛢僡登記，而老公名葉世揚正式曝光，比女方年長3歲，兩個人住在渣甸山畢拉山道，但冇申報職業一欄。
其實楊秀惠自從拍完《大帥哥》，已經同男友積極籌備婚禮，但佢做足保密功夫，連好姊妹湯洛雯、朱千雪、蔡思貝等人都唔知道秘婚一事，都係睇到報道先知道，仲話楊秀惠風格一向好低調，話替佢哋開心。
楊秀惠2013年投資逾百萬分別就喺香港、澳門、馬來西亞同新加坡開設美妝店，每年營業額過千萬。
日前，楊秀惠接受訪問時直認秘婚：「多謝大家嘅祝福！我同我先生其實今年初已經喺外地結婚，但係因為我先生係圈外人，所以想低調處理。」
Like MisshkNews Facebook！不出门也能知天下事～
