日前，《法證先鋒IV》呢排講到「迷幻油蘑菇自殺案」，朱晨麗喺嘅天臺勇救服食迷幻藥而只著黑Bra嘅女子，呢一幕成為網友熱門討論話題，「黑Bra女」連隨畀起底，佢就係「TVB小花」趙璧渝。
趙璧渝喺攝影過程中只著胸圍上陣，更加要企喺40樓嘅天臺拍足6個鐘頭，佢直言：「最初都會覺得尷尬，因為現場有差唔多有20個男工作人員，但當投入角色之后就完全專注演繹，唔記得所有尷尬，仲有高度嘅恐懼，仲記到當日係陰天，企喺嘅天臺嗰陣，風一直吹。」
講到趙璧渝，其實佢身世坎坷，自細父母異行，阿媽身兼父職獨力照顧家姐、妹妹同自己三個女，趙璧渝為咗減輕阿媽負擔，讀書期間已經出嚟做兼職幫補家計。
一次舞臺劇工作令佢鐘意演戲，20歲毅然放棄學業，參加第26期無線電視藝員訓練班入行。
就算家境一般，趙璧渝堅持向夢想進發，可惜演藝生涯過得唔易，入行7年大多數飾演連一句對白都冇嘅角色，更曾經因為工作量少，試過戶口存款唔夠一百蚊！
呢幾年，趙璧渝開始有“屬於”自己嘅角色，較早時喺《白色強人》中飾演急症室女醫生Jackie而受到關注，曾參演《愛回家》、《城寨英雄》、《律政強人》、《解決師》等劇集。
如《白色強人》飾演醫生Jackie（右二）。
《宮心計2深宮計》演宮女（左二）。
《解決師》劇照（右一）
而且仲有準備出街嘅新劇《逆天奇案》，亦有趙璧渝演出，期待佢嘅表演，加油呀！
Like MisshkNews Facebook！不出门也能知天下事～
