TVB嘅處境劇《愛回家之開心速遞》可以講一直深得觀眾嘅歡心，連帶劇中嘅一眾演員均備受關注人氣急升，而憑借呢部劇「朱凌凌」成功入屋嘅吳偉豪，喺日前就21歲，認真大個仔啦！
而除咗吳偉豪生日之外，湯盈盈都同樣系六月生日嘅壽星女，《愛回家》就好似大家庭一樣，劇中嘅一眾演員就齊齊為佢哋慶祝，就連暫時離開劇組嘅「博士」馬貫東都有出席，真系隔著屏幕都感受到佢哋嘅滿滿愛意。
吳偉豪對于獲得大家嘅厚愛，表示好感恩，不過佢都透露今年嘅生日多咗一位家庭成員，唔通有新戀情公布？ 
佢開心笑說：「其實年年生日正日都同屋企人過，簡簡單單食餐飯就夠。今年仲養咗隻狗，成為我屋企嘅一份子，所以生日食飯佢都喺我隔籬。」 
至於生日愿望，吳偉豪就笑言：「希望自己大一歲成熟少少啦，事業有成！（會唔會想拍拖？）我同我隻狗喺到拍拖，感情都好穩定，希望一路延續落去啦，哈哈！」 
1998年生嘅吳偉豪出世喺小康家庭，父母都系公務員嘅佢，自細好鐘意做戲，冇家庭經濟壓力嘅佢，喺2015年嘅時候喺父母嘅鼓勵下投考咗TVB第28期藝員訓練班，次年就憑借《愛回家之八點入席》嘅「林禾（禾仔）」而開始為人所熟知。 
除此之外，吳偉豪仲參與演出咗唔少嘅作品，比如《純熟意外》、《完美叛侶》、《律政強人》、《幕後玩家》、《親親我好嗎》、《與諜同謀》、《同盟》、《全職沒女》、《誇世代》、《翻生武林》、《跳躍生命線》、《是咁的，法官閣下》等。 
雖然佢所飾演嘅角色多數都系一啲配角類型，但佢依舊認真對待，心懷感恩，而佢都憑借《愛回家》嘅角色獲提名，爭取到兩個全民投票網上電視界頒獎典禮嘅殊榮——《觀眾在民間電視大獎2018》「民選最佳戲劇拍檔（與周嘉洛、馮奕森同焦浩軒）」、《2018香港電視大獎》「新人獎」。
唔理點樣，期待佢跟住畀我哋帶嚟更好噶作品，加油！
Like MisshkNews Facebook！不出门也能知天下事～
