最近娛樂圈喜事一件接一件，喺TVB嘅《萬千星輝頒獎典禮》上，TVB嘅當家小生蕭正楠就甜蜜宣布同另一花旦黃翠如系夫妻，好消息一出馬上引起網民們嘅熱烈討論。
事后圈中好友都紛紛向一對新人送上祝福，咁同蕭正楠合作TVB新劇《黃金無罪》嘅陳瀅都表示已經恭喜咗對方，佢話：“我第一次同阿蕭（蕭正楠）合作，但一直有留意佢同翠如，覺得佢哋好sweet，好難得拍拖咁耐都仲咁有火花，兩個人可以一直咁好，好羨慕，好替佢哋開心。” 
而同蕭正楠一齊合作拍攝《兄弟姊妹去旅行》嘅姚子羚，喺得知該消息后，亦都興奮恭喜蕭正楠，佢話：“我話你呢個人，收收埋埋，我同你去瑞士拍旅游節目，再拍《黃金有罪》都唔知你已經結埋婚嘞。”
其實，蕭正楠結婚呢件事的確隱藏得好，身邊嘅親朋好友一啲都冇察覺到。姚子羚就笑說：”佢都冇請我飲喜酒，仲要我送禮物，不過遲啲應該會大家約埋一齊食餐飯，曹永廉輩份同我唔同，如果佢都唔知，佢就真系要檢討。” 
蕭正楠同黃翠如兩人因戲生情，自從大方認愛后都系一直甜蜜示人，同框出席活動時都眼中只有對方。姚子羚仲大爆兩人經常會喺無意中放閃，偶然一次發現蕭正楠嘅行李牌上正正就系黃翠如嘅相，果然系閃爆眼喇！ 
姚子羚仲話：“嗰晚宣布結婚嘅時候，見到黃翠如嘅反應好sweet，真系冇得呃，阿蕭系一個好sweet嘅男朋友，而家做咗老公，有時聽到佢講電話，佢話做咗啲嘢畀翠如食，叫佢要食，我覺得翠如好幸福揾到一個好老公。” 
唔理點，希望蕭正楠同黃翠如一直甜蜜幸福，都希望姚子羚可以早日揾到屬於自己嘅另一半，祝福祝福！
Like MisshkNews Facebook！不出门也能知天下事～
