TVB宅男女神曬舊照，究竟邊個先係「正版吳彥祖」

「TVB宅男女神」張曦雯擁有修長美腿，Fit爆身形以及迷人嘅笑容，兼夾鐘意打機又爽朗嘅性格，網民封佢為「完美女友」應該都不為過。

呢排TVB熱播劇集《踩過界II》出街，晚晚有得見張曦雯之余，呢日佢罕有曬出幾張自己20年前嘅舊相，見到佢十幾歲嗰陣已經「鬼鬼哋」，而且仲幾可愛！

見到張曦雯將舊相同自己近照做對比，除咗發型、打扮唔同之外，靚樣幾乎冇乜點變，不過奇就奇喺原來佢細個嗰陣竟然同吳彥祖撞曬樣，十足十親兄妹！

唔少網民都留言話好似，張曦雯圈中好友楊潮凱更留言話：佢直頭係長髪版吳彥祖，獲得唔少網民撳Like，睇嚟大家都好認同佢哋撞樣。