尋日，藝人郭子豪先因為涉嫌酒駕而出庭，主動認罪嘅佢更悔意十足，雙手合十承諾以後唔會再犯，而法官就要押後至六月宣判，正當大家以為單嘢就咁過去時。
卻一波未平一波又起，今日郭子豪就畀傳媒爆出孭住圈外女友，「偷食」港姐亞軍鄧卓殷。
據傳媒爆料指，郭子豪與鄧卓殷因為拍攝TVB綜藝節目《娛樂玩家》而秘密搭上，感情快手升溫嘅兩人，更喺4月秘密同行出埠。
不過喺醉駕單嘢發生後，卻又畀影到與圈外女友一同手拉手甜蜜行街，令三人關系蒙上迷霧，疑似「一腳踏兩船」。
隨著單嘢嘅發酵，郭子豪馬上出面澄清表示一早與圈外女友Karen分手，佢表示：「因為牽涉圈外人，又唔系咩喜訊，所以都冇宣布自己嘅狀況。我同Karen已經散咗一段時間。多謝傳媒朋友關心，但希望畀少少空間，最近已經發生咗好多嘢，感激感激。」
事後，郭子豪接受訪問嗰陣就未有透露與拍拖三年女友分手原因，佢話：「年頭已經散咗，對方圈外人，唔想牽涉太多，想澄清分手同鄧卓殷完全冇關係，冇任何重疊時間。」 
至於與前港姐鄧卓殷嘅關系，據傳媒消息指兩個人成日喺健身室密會，郭子豪就表示：「了解中！（系咪諗住筑愛巢同居？）絕對唔系，因為我自己停牌，想搬近啲TVB，嗰日一班人食飯，之後我話想睇樓盤，佢咁得閑先陪我睇，唔系同居！（覺得鄧卓殷點呀？）呢個唔答啦。」
不過耐人尋味嘅系，喺「偷食」單嘢爆出之後，Karen馬上喺社交平台發文，好似心有所指。
佢寫道：「人總是自私口說很愛你，下一秒為了自保，用成千上萬的謊言掩飾自己的過錯。盲目信任最終只換來更多傷害。寬恕是為了放過自己，別使自己那心累，不再心軟。」 
單嘢嘅真偽旁人不得而知，只有當事人最清楚，只希望大家可以做到問心無愧，唔理點樣，都系希望單嘢盡快平息，祝福！ 
Like MisshkNews Facebook！不出门也能知天下事～
