TVB十大感人的愛情故事電視劇，你仲記得幾部？

1.《上海灘》當許文強中咗槍之后，丁力攬住許文強，許文強臨死前話：“你知道我要去邊？我要去揾程程。”講完呢句，許文強就死咗。呢一幕實在令人感動得痛哭流涕。許文強同馮程程之間嘅愛情入圍《十大》相信無人反對。

2.《妙手仁心》

當程至美喺Jackie面前讀《小王子》嘅時候，我被感動咗。開創十年收視紀錄嘅《妙手仁心》入面有唔少經典嘅愛情，但我認為程至美同唐姿禮系最感人，《妙手仁心2》根本冇必要拍，破壞咗我心中嘅幻想。

3.《十月初五的月光》

初哥哥同祝君好嘅愛情絕對感人，文初為咗祝君好幸福，將佢讓畀咗司徒禮信。加埋張智霖嗰首《祝君好》嘅主題曲“如若知道佢好過我，只忘停離遠祝君安好”，實在感人。

4.《刑事偵緝檔案4》

我講嘅并唔系徐飛與武俏君嘅愛情，呢段固然感人，但我認為最感人嘅系江子山同唐心如嘅愛情，心如一直暗戀江子山，最后終于守得云開見月明，可惜喺婚禮上畀江子瑤誤殺。全劇嘅結尾江子山深情的坐喺心如嘅墓前，實在感人。

5.《美夢成真》

劇中呂方飾演的家成成暗戀宣萱飾演嘅美真，知道美真無錢裝修，自己幫助佢裝修，終于感動咗美真，劇中嘅呢段愛情好感人，但由于系一出喜劇，所以令呢段感情嘅感人度略略削弱。

6.《笑睇風云》

包文龍和林貞烈嘅愛情應該可以入圍《十大》，無論黃蕾點明示暗示，包文龍都無動于衷，林貞烈死咗，包文龍仍然系堅持與之結婚，感人度好高。

7.《壹號皇庭5》

記唔記得方偉豪系點死架？方偉豪系一個通緝犯，為咗趙麗盈買藥，返嚟后死于一個差佬嘅槍下，佢死前趙麗盈一邊行路一邊嗌：“偉豪，我哋一定會喺埋一齊。”但由于方偉豪系反派，再加全劇嘅主角唔系佢，因此令呢段愛情都有所削弱。

8.《刑事偵緝檔案2》

呢部劇最后一幕大勇對失憶嘅高婕話：“如果你仲記得我，你返嚟。”雖然二個人最終喺第三套中可以喺一齊，但第三套中嘅愛情戲明顯不如前兩部

9.《大時代》

無線嘅經典之作，劉青云同周慧敏、郭藹明嘅愛情，尤其系前者感人之深，劉青云年年買一個戒指畀周慧敏，最后周慧敏死喺劉青云嘅懷中，令人回味。

10.《義不容情》

黃日華同劉嘉玲嘅愛情，劉嘉玲一直暗戀黃日華，最后二個人因為溫兆倫而分開，永健到故仔嘅結尾都無揾到楚君，令呢段愛情升華到感人嘅境界。