較早前TVB嘅周日檔《救妻同學會》已經大結局，而劇中一眾后生演員都因為該劇而成為好友。趁住新春佳節，劉佩玥同黃美棋就齊齊嘆美食「做豬腳」，寓意新的一年「橫財就手」。
至於豬年新年大計，黃美棋連隨笑說：「我哋性格好似樣，唔會設定太多嘅計劃，但系有好機會就會努力把握做到最好，舊年我好滿意成績，有得拍劇。」而劉佩玥就表示會再繼續諗idea，同時都會繼續拍好劇。 
所謂「窈窕淑女，君子好逑」，樣靚身材正嘅劉佩玥身邊自然系不乏異性，經常畀媒體指佢「收兵」。
對此，佢就笑說：「我嘅性格比較男仔氣，同男生講嘢唔使顧忌太多，但就經常畀人誤會，成日話翟威廉系兵，梗系唔系啦，佢都唔系嗰個level。」
談及感情方面，舊年劉佩玥就多次傳出與前TVB小生周志文低調拍拖嘅緋聞，但系事后兩個人都例牌澄清否認，兼夾強調雙方只系好好嘅朋友。問起幾時會諗住結婚派利是時，劉佩玥就繼續表示自己仍單身，期待Mr. right出現。 
至於系咪因為同周志文感情仍未穩定，要繼續低調護愛苗，佢就表示：「唔系公唔公開嘅問題，首先都要帶咗個男生見阿媽先，之后先公開，我入行以來都無帶過男生見家長，女仔都系只有陳瀅啫！呢件系特別嘅事，我阿媽試過攪笑話，唔好亂帶男生畀佢見，等下叫錯名呀！」 
1989年生嘅劉佩玥同大多數藝人一樣，都系通過選美出身。喺香港浸會大學電影學院傳理學社會科學安士畢業嘅佢，主修電影電視。
后來喺2013年嘅時候，就報名參選港姐，佢更憑借大勇嘅狀態過關斬將，成為2013年度香港小姐季軍，同屆嘅港姐冠亞軍分別就系陳凱琳、蔡思貝。
正式加入到TVB嘅佢都參與拍攝過多部劇集，比如《四個女仔三個bar》、《一屋老友記》、《跳躍生命線》、《幕後玩家》、《降魔的》、《救妻同學會》等。
表現出位嘅佢仲憑借喺《跳躍生命線》中嘅亮眼演出，首度入圍萬千星輝頒獎典禮「最佳女主角」提名名單。
唔理點樣，希望劉佩玥可以繼續加油，期待佢喺跟住《堅離地愛堅離地》、《十二傳說》、《降魔的2.0》中嘅精彩演出，記得千祈唔好錯過哦！
Like MisshkNews Facebook！不出门也能知天下事～
