現年26歲嘅TVB力捧港姐蘇韻姿，入行兩年就好幸運有機會參演人氣處境劇《愛回家之開心速遞》，并因此人氣急升，廣為觀眾認識。
話說，《愛回家之開心速遞》自播出以嚟，除咗收視節節上升之外，仲撮合咗唔少螢幕情侶，比如「大小姐」林淑敏同「送水輝」許家杰。
「阿水」呂慧儀同「龔燁」張景淳。
仲有「四仔」周嘉洛同「朱凌凌」吳偉豪呢對兄弟cp。
不過，喺冇幾耐之后，《愛回家之開心速遞》嘅cp名單，有可能要加多一對螢幕情侶，今次嘅女主角系「熊心如」蘇韻姿。
未知各位聰明嘅劇迷，有無估到邊個系男主角呢？ 
據悉，喺跟住4月12日播出嘅第555集里面，「熊心如」好大機會遇到一生最愛「朱天梯」梁證嘉。較早前，梁證嘉接受咗媒體訪問，問到喺劇中與蘇韻姿系咪真系有機會發展？佢就大賣關子回答：「其實之后都有一集再講我同蘇韻姿會再見面，當然呢兩個角色會唔會喺一齊，要睇編劇安排同觀眾嘅反應。」 
至於女主角蘇韻姿就直言，自己十分期待「真命天子」出現！佢喺受訪時表示：「我梗系想啦，因為感情戲系有難度、有挑戰性嘅，所以都想試多D，亦好熊心如嘅成長，可以打破對愛情嘅盲目。」 
不過，問到邊個先至系男主角嘅時候，蘇韻姿同樣大賣關子，佢只笑著回答：「我唔肯定熊心如之后會同邊個喺一齊，我覺得同邊個喺埋一齊都有可能，呢個其實都要睇編劇點去發揮創意喇。」
1993年生嘅蘇韻姿，喺加拿大多倫多長大，由于自細對演藝好有興趣，於是喺四年級嗰陣就轉讀多倫多公立藝術學校，后來喺皇后大學主修戲劇，副修音樂。當時喺加拿大，蘇韻姿都喺電視節目中擔任主持同客串電視劇。
直到2016年回流到香港，蘇韻姿馬上參加咗《2016年度香港小姐競選》，畀視為大熱嘅佢，最后就大熱倒灶，落選港姐。不過備受賞識嘅佢，喺選美結束之后就進入到TVB，入讀為期三個月嘅演藝進修班，正式成為藝人。 
期間呢，佢都參與拍攝過幾部嘅電視劇，比如《老表，畢業喇！》、《誇世代》等，要講印象最深刻嘅，就系《愛·回家之開心速遞》中飾演嘅「熊心如」。儘管一開始演技青澀，但系經過演出嘅磨煉，佢進步大家都系有目共睹嘅。
唔理點樣，期待蘇韻姿畀我哋帶嚟更好嘅作品，都期待佢喺《愛·回家之開心速遞》跟住更精彩嘅演出！
Like MisshkNews Facebook！不出门也能知天下事～
