TVB人工太低，武打師傅身兼演員又要秘撈韓星保鏢

TVB作為香港最大嘅造星平臺，其實演技實力派有好多，根本唔需要擔心人才流失，可惜TVB極少畀機會綠葉、茄喱啡，多數捧當紅花旦小生，實屬可惜。

今年35歲嘅李嘉，是TVB武術顧問都系演員藝人，后生細仔進入娛樂圈，自幼習武。

不過19年嚟，佢都系做茄喱啡、閑角，直至2010年，李嘉喺《巾幗梟雄之義海豪情》飾演日本人黑木少佐，佢終于有屬於自己嘅角色名。

由於李嘉飾演一個日本軍人，有日文對白，當時更獲得網民贊發音標準，可惜呢個角色早死，未能讓佢有所發揮。

直至近年嘅《城寨英雄》，李嘉飾演一位城寨惡霸馮夏滿，成功令大家對佢嘅印象再次加深。

皆因劇中佢侵犯林穎彤飾演嘅鑫鑫，將猥瑣賤格演得入型入格，網民除咗大贊演技了得之外，拳拳到肉真功夫更加打得出色。

最成功得意之作一定系舊年喺《大帥哥》飾演冬來，雖然極少對白，但就有好多觀眾激贊佢，單靠表情已經交到戲。

就算系做上咗有對白嘅角色，TVB對于茄哩啡待遇唔好，人工低收入有限，唔少藝人為生活都會有自己兼職。

而李嘉嘅兼職就系保鏢，保護明星，日前，佢畀發現為韓星崔始源護駕開路。

事後佢接受訪問表示，早喺十幾年前做輔警嗰陣已經同呢間保鑣公司合作，後來成為藝人都有客串做保鑣，只系大家唔察覺啫。

崔始源喺機場現身前後唔到三個字，究竟做保鑣人工有幾多？李嘉拒絕透露，但直言隨時好搵過做藝員。

收到風，做明星保鑣嘅酬勞以時薪計數，大概至少都有一千，而每次出動嘅最底要求為4個鐘，所以李嘉當日為崔始源做保鑣大概賺4千。