TVB主席親自欽點，曾志偉回巢升呢做高層

TVB主席許濤公布委任曾志偉出任TVB副總理兼行政委員會特別顧問，據知呢次力邀曾志偉入主TVB嘅「幕后主腦」，其實系TVB大股東兼非執行董事黎瑞剛！

講到黎瑞剛，其實佢同曾志偉係老友，再加埋曾志偉喺大陸嘅人脈同經驗，一定可以將TVB綜藝節目做得越來越好，所以出手力請。

事關呢次邀請屬於高度機密，唔少TVB高層都係最后一刻先知道，而做TVB主席嘅許濤公布一刻，更令TVB上上下下大感震驚，因為事前全無半點風聲！

講到曾志偉，一路有傳佢同現擔任TVB高層嘅余詠珊不和，當余詠珊上任做高層之后，曾志偉已經好少喺TVB參與大型活動。

包括曾志偉經常主持嘅《香港小姐競選》、《歡樂滿東華》等，而佢都再無參與《獎門人》系列、《我愛香港》系列等大受歡迎嘅綜藝節目，失色唔少。

綜藝節目同資訊節目一向都係余詠珊負責嘅范圍，而家改由曾志偉話事，余詠珊會唔會「坐歪」，仍然係未知之數。