日前，TVB小花林秀怡同陸永便喺《婚姻合伙人》中飾演一對歡喜冤家，兩個人喺劇中不時打罵嬉笑，笑料滿滿，而佢哋演出更加系獲得唔少觀眾嘅讚賞同認可。
事后，林秀怡同陸永喺接受訪問時仍然「繼承」戲中嘅打罵性格，傾到劇中兩個人共處浴缸嘅一幕，唔少觀眾睇到紛紛直言大膽！
而陸永就抵死話：「我唔覺得激，可能秀怡好少咁少布，不過都好保守呀！全部遮曬，但奈何佢而家嘅綽號叫『水野秀怡』！（因為秀怡被指貌似水野朝陽）你明唔明最近有人不停話我享福，兩年前佢嘅綽號叫『禽獸怡』！個個都嚟安慰我！」
一旁嘅林秀怡馬上笑言：「我都驚你有陰影呀！」陸永話：「你都驚呢？而家點解無端端變咗「水野秀怡」，個個都話我就正啦！點解正呀？（有冇覺得秀怡呢兩年索咗？）完全一樣！」
睇到兩個人戲外仍然系歡喜冤家噉樣，就可以知兩個人喺拍攝時嘅火花四濺，經過今次合作，林秀怡都直言希望有機會可以繼續同陸永合作，再續前緣，因為對方轉數快令佢獲益良多。 
1991年出世嘅林秀怡，喺2009年嘅時候喺TVB第23期藝員訓練班畢業，加入TVB之初，佢所飾演嘅角色多數都系一啲配角類型，戲份較少。
直到近年嚟隨著演技嘅進步，其戲份都越嚟越多，憑借《女人最痛》中飾演要喼弗嘅肥妹而開始為人熟悉。
除此之外，佢仲參與演出咗唔少嘅作品，比如《有營煮婦》、《蒲松齡》、《依家有喜》、《居家兵團》、《萬凰之王》、《八卦神探》、《四個女仔三個bar》《怒火街頭2》、《潮拜武當》、《三個女人一個因》、《不懂撒娇的女人》、《是咁的，法官閣下》等。
據悉，喺跟住落嚟嘅新劇《十二傳說》、《唐人街》中林秀怡同樣有份演出，大家不妨一齊拭目以待！
Like MisshkNews Facebook！不出门也能知天下事～
