日前，羅嘉良喺大陸直播平臺同網紅夫妻直播引起熱議，網民留言佢自貶身價。話曬佢曾經貴為TVB一哥，先後憑《難兄難弟》、《天地豪情》同《流金歲月》奪得TVB視帝，不過佢喺2003年約滿離巢之後，主力北上發展。
其實羅嘉良早就喺大陸發展，雖然佢喺大陸拍攝過無數部大陸劇集，而且大多數都係飾演配角，無一個亮眼角色。
當年嘅羅嘉良真係一個靚仔，亦都係一位師奶殺手，佢嘅演技都十分出色，佢獨特嘅個人魅力可以將每一個角色都發揮到極致。
但呢幾年大陸開始限制香港藝人人數參演大陸劇集，加埋疫情影響，各地娛樂圈都受到嚴重影響，唔少藝人更加係有接近半年時間冇嘢做，唯有另謀其他財路。
呢排，羅嘉良開始玩直播，而仲有高達88萬粉絲，佢分享日常生活之外仲識表演各種奇技，有網民大嘆昔日TVB三屆視帝竟然要淪落到做網紅搵錢，有啲自貶身價；不過都有網民就覺得係潮流趨勢，無法抵擋。
日前，羅嘉良聯同大陸網紅夫妻直播帶貨，首次做帶貨嘅羅嘉良企喺鏡頭前表現尷尬，期間佢演唱咗《歲月的童話》等多首經典歌曲，但整場直播落咗累計得二萬觀眾收睇，成績唔係特別理想。對此大家又點睇呢？
唔理點樣，都係希望羅嘉良喺之後嘅事業上可以有所成就，希望之後有機會喺TVB睇到嘅表演！
Like MisshkNews Facebook！不出门也能知天下事～
