TVB一哥患病變配角，與病妻共患難31年情未變！

前「TVB一哥」黃日華喺1980年加入TVB，喺1983年黃日華與翁美玲主演嘅《射雕英雄傳》一炮而紅，之後黃日華同劉德華、梁朝偉、苗僑偉同湯鎮業合稱「TVB五虎將」。

不過黃日華曾經喺節目傾到拍劇辛酸史∶「嗰陣半夜三、4點收工，6點開工，一收工就沖入廁所霸位瞓，結果捱到患肝炎。」

1987年TVB提出續約5年嘅條件，黃日華激到拍枱拒絕，點知道畀高層嘲諷：「話我呢幾年冇貢獻，心諗冇功都有勞，我只要求加幾千蚊，佢就話我好大想頭！」所以有段時間黃日華畀投閑置散，從一哥變配角。

直到1989年，監制韋家輝想叫黃日華主演重頭劇《義不容情》，有傳TVB高層唔想用一個準備離巢嘅人，但監制韋家輝依然堅持，最后《義不容情》轟動一時，令飾演「丁有健」嘅黃日華重新走紅。

好景不常，黃日華老婆喺2013年確診患上血癌，為咗鼓勵老婆，黃日華好有心做出三大舉動。

第一、發布兩公婆25年前合照并留言「永遠恩愛！」證明生死與共。

第二、喺屋企種花讓老婆心情放鬆。

而家黃日華老婆已完全康復，但黃日華依然係接近停工，對此黃日華就話：「老婆係自己娶翻嚟，要畀佢最好嘅生活，愛佢、保護佢、錫佢。」認真深情。