TVB「鎮臺之寶」曬閨蜜照，47歲仙氣華姐實力搶鏡獲網民激贊

TVB「鎮臺之寶」之一嘅鄭裕玲DoDo姐，喺圈中可謂系人緣甚廣，平時都有約上“至八會”嘅人員飯聚，譬如汪明荃、張艾嘉、毛舜筠、曾華倩等，當然仲有其他好姊妹包括吳美珩、宣萱、劉曉彤等。

日前佢哋就約埋一齊聚會，預早同大家講“新年快樂”，仲留言話：“今次好特別，大家同時發相！happy new year！”只見佢哋滿手都系禮物，十分豐富，相信今次嘅聚會大家都可以玩得盡興～ 不過相一出，網民嘅焦點連隨擺喺咗今年47歲嘅“吳美人”吳美珩身上。網民更紛紛留言表示“一眼見到吳美人”、“好似睇吳美珩做戲，細個嗰陣睇佢做戲，咁多年都仲系咁靚”、“以前已經覺得佢好有女人味”等。睇嚟吳美珩淡出娛樂圈多年，人氣依然不減！

咁講到吳美珩，1972年生嘅佢，四歲嗰陣就移民到美國，后來喺1996年嘅時候參加咗國際華裔小姐嘅競選，兼夾奪得咗亞軍好成績，選美結束后獲得TVB嘅賞識而畀簽約旗下，開始發展其演藝道路。

備受TVB重用嘅佢，喺多部劇集中均擔任主要角色，好快就成為咗TVB嘅當家花旦之一。譬如《真情》、《人間蒸發》、《開心賓館》、《愛情全保》、《女人唔易做》、《九五至尊》、《楚漢驕雄》、《妙手仁心3》、《楊貴妃》等。

佢參演嘅劇集多數都系收視口碑雙豐收，而《女人唔易做》更加系以平均收視33點，最高收視41點，成為咗2006年嘅TVB電視劇年度收視冠軍。

不過佢喺2001年嘅時候，吳美珩就同美籍華人低調成婚，筵開六十客席宴請親朋好友。但系一直低調秘密嘅佢哋直到2007年先正式對外公布，兼夾同年7月就為老公誕下愛女，后尾仲有一子，一家四口其樂融融。而將重心回歸家庭嘅吳美珩都絕跡娛樂圈，未有再見到佢喺電視屏幕中出現。

雖然已經成為人母，但系吳美珩一直保持住優雅嘅氣質，甚至更增添幾分女人味。唔怪得次次聚會出鏡，網民見到都會不停追問，希望佢可以復出拍戲。不過噉都同時證明咗，吳美珩早些年塑造過嘅角色，的確好深入民心，大受歡迎。