喺《愛回家之開心速遞》飾演龍敢威（大龍生）嘅羅樂林，喺劇中除咗有三位太太之外，仲有唔少後生嘅女伴，總之永遠都唔會寂寞。
現實中，羅樂林亦有三個寶貝女愛鍚，舊年70歲大壽，三個女更夾埋多個好友為佢搞神秘生日會，既溫馨又甜蜜。
曾經有過兩段婚姻嘅羅樂林，日前接受節目訪問嘅時候，提及21歲嗰陣嘅第一段婚姻，就表示當初確係好開心，但慢慢就有好多嘢出嚟，而唔成熟亦係其中一個致命點。
至於第二段婚姻，太太陳寶儀嘅家姐係粵劇名伶陳寶珠，羅樂林指拍拖初期，由于自己只係一個死靚仔，所以有啲壓力，而陳寶儀嘅媽咪宮粉紅亦都相當反對。
「後尾相處多咗，佢好錫我，次次食飯都會叫我一齊飲兩杯。至於三家姐（陳寶珠），無論係孝順、成就都好值得去學習同尊重，佢對媽咪、長輩真係冇得講。」
羅樂林與陳寶儀喺1982年結婚并育有一女，喺2011年宣布離婚時，表示仲會繼續同居，對于呢一個法，羅樂林喺節目中就話：「同一屋檐下，買餸煮飯都係我，我甚至會煮埋比工人」
Like MisshkNews Facebook！不出门也能知天下事～
