尋日就系有「絕世好女友」之稱嘅唐詩詠38歲生日，不過作為藝人，雖然系生日依舊要照常開工，為TVB嘅新劇《唐人街》而緊密拍攝中，不過深得大眾歡喜嘅佢，今日就曬出咗劇組一眾演員一同慶祝生日嘅相，氣氛好溫馨。
其實喺圈中人緣甚好嘅佢，呢排唐詩詠已經不時喺社交平臺曬出咗幾張同唔同好友慶生嘅相，而由於同劇組嘅王君馨聽日生日，於是兩個人就一齊吹蠟燭慶祝生日，相中見到陳山聰、姚子羚、羅蘭姐、元秋更均有出席。
得到大家寵愛嘅唐詩詠，馬上喺社交平臺留言寫道：「好有愛！Thank you《唐人街》所有街坊。」同時仲標簽咗「希望所有人都不要受傷」。
該文一出唔少網民都紛紛留言祝福唐詩詠生日快樂，但系其中一個＃希望所有人都不要受傷，似乎就意有所指，唔知系指希望劇組拍攝動作戲時唔好受傷，還系希望最近受到「安樂偷食」事件困擾嘅馬國明，可以唔好再受傷呢？呢個只有當事人先可以知道。
1981年出世嘅唐詩詠，喺2003年嘅時候就加入到TVB，透過拍攝嘅首部青春偶像劇《當四葉草碰上劍尖時》而嶄露頭角，人氣急升，火速上位嘅佢喺跟住落嚟嘅劇集中多數都系擔任一啲主要角色。
比如《天幕下的戀人》、《緣來自有機》、《最美麗的第七天》、《心花放》、《鐵馬尋橋》、《神探高倫布》、《鐵馬戰車》、《載得有情人》、《公公出宮》、《廉政行動2016》、《不懂撒嬌的女人》、《棟仁的時光》、《天命》等。
而佢都憑借喺《不懂撒嬌的女人》中飾演嘅「凌禹勤」而人氣急升，兼夾成功喺《2017年萬千星輝頒獎典禮》中奪得「最佳女主角」，首次獲得視後嘅滋味。
據悉，喺跟住落嚟嘅新劇《白色強人》、《解決師》、《唐人街》中唐詩詠均有份演出，大家不妨一齊拭目以待！
Like MisshkNews Facebook！不出门也能知天下事～
