日前，傳媒突然癲傳一單舊聞，就係80年代最美武打女星李賽鳳曾經偷食自己契仔嘅事，咁年之後突然畀翻炒出嚟，其實單嘢已經過咗超過10年，而李賽鳳亦已經展開新生活！
或者好多後生仔女唔識李賽鳳，因為佢喺90年代就已經退出娛樂圈，但其實喺80年代佢參與唔少電影同TVB劇集，當時佢有一定嘅名氣。
2001年李賽鳳退出娛樂圈，下嫁香港知名玩具商羅氏家族太子爺、曾經任職醫生嘅羅啟仁，兩個人結婚之後就去美國定居。
但喺2007年嗰陣卻傳出李賽鳳同羅啟仁離婚，前夫更控訴佢「偷食」20歲契仔宗天易，消息一出哄動全城。
當年李賽鳳否認「偷食」契仔，佢更指前夫一早同其下屬出軌，但前夫更出書《雙面人生》直指李賽鳳將只著底褲嘅契仔收埋喺衣柜。結果佢哋離婚官司足足打咗4年，最終法院判決李賽鳳僅獲得6個月每月6000美元嘅贍養費，仲要佢支付一半律師費約1萬2000美元。
婚姻官司之後，李賽鳳名聲受到好多影響，佢亦冇再復出娛樂圈，而家佢經常喺社交平台分享自己嘅游歷，看似生活好開心，而即使已經55歲嘅佢，佢依然保持得容貌明艷照人。
Like MisshkNews Facebook！不出门也能知天下事～
