70歲老戲骨疑似中風，靠拐杖行路明顯消瘦！

現年70歲嘅「TVB老戲骨」劉松仁為舞臺劇《利瑪竇》仆心仆命，不惜停工籌備兩年幾，又兼任策劃、導演同創作，好彩舞臺劇叫好又叫座。

舞台劇喺上星期日（12日）圓滿結束，未知係咪籌備同演出期間過於操勞，劉松仁身體大不如前，更加傳出疑似中風。

據悉，劉松仁而家行路需要撐拐杖，右手右腳明顯乏力，身形亦明顯消瘦，食指、手指尾唔可以正常彎曲，征狀同中風好相似。

劉松仁亦對身邊朋友嘅透露，身體出咗問題，但宜家康復中，佢回復傳媒時表示：「多謝大家關心，冇咁大鑊，康復中，放心。」

上年4月劉松仁同沈震軒合照嗰陣仲好精神。

今年1月劉松仁同莫文蔚合照，明顯冇之前咁精神。