62歲TVB金牌綠葉陳榮峻啱啱再做新郎，于上個月10號與拍拖3年嘅女友吳香倫結婚，黃昏戀有個圓滿嘅結果結局，皆大歡喜。
當日亦有唔少藝人到場祝賀，場面可謂相當巴閉。 
不過呢排就有港媒報道收到一封長達3頁紙嘅匿名信，怒指陳榮峻系偽君子。 
睇到新聞嘅時候，misshk可謂心驚咗一下，好擔心又有咩桃色新聞發生，話曬呢段時間太多出軌分手嘅嘢啦！
但點知內情就好荒謬！
原來據爆料人稱，陳榮峻嘅長子陳穎霖后生嗰陣同一個未成年女子未婚先孕，生落長孫。
可惜結婚之后唔夠一年，其因性格不合而分居。於是個孫就由陳榮峻太太鄭安麗負責照顧！
然而2010年當鄭安麗過身之后，陳榮峻就唔再照顧孫仔，當時孫仔先五歲，佢唯有交由婆婆照顧，只系婆婆本身正在進修神學院課程，兩邊奔波，好攰。而陳榮峻非但冇幫手，連起頭每月給予嘅1000蚊生活費都慢慢斷咗。
最令爆料人眼火標嘅系，婆婆而家仍住喺土瓜灣公屋，陳榮峻就搬咗馬鞍山獨立屋，仲有錢去旅行，對待個孫就一毛不拔，唔通唔系過橋抽板？
面對這樣嘅指控，陳榮峻獲悉后都第一時間透過媒體解釋，首先大方承認咗個仔當年的確結婚又離婚，但對方唔系未成年。
至於照顧孫仔，原本有太太幫手，都唔覺得有問題，但系之后太太因病過咗身，我有個男人，又要日日顛倒嘅拍劇，所以唯有交畀婆婆照顧！雖然婆婆要返學，但太婆都有幫手嘅！ 
再問到有冇畀贍養費時，陳榮峻表示，多年嚟，自己都有為孫仔支付學費，仲有每月1000蚊嘅零用錢，過年都有大利是，直到佢中一過後先停止。佢哋當時離婚，女方冇要求任何補償，最近佢想要翻個孫仔嘅撫養權，但法院都判咗，系零贍養費，所以唔可以怪我個仔，呢個系大家商量好嘅事情。 
最后陳榮峻亦大嘆一啖氣，講實話，呢件事關我老人家咩事呢？其實自己同埋親家嘅關系良好，到而家都嗌佢親家，結婚當日，佢哋都有會嚟飲。 
睇完報道，唔少網友力撐陳榮峻，覺得系女方喺度搞事。自己嘅仔，自己唔負責照顧，反而推畀公公，系咩道理呢？而家睇人哋大搞婚禮，就眼紅想要一筆錢，實在太衰！ 
對此你有咩睇法呢？
Like MisshkNews Facebook！不出门也能知天下事～
