隨著合拍劇數量嘅增多，TVB自舊年起就開始大幅度裁員，從配音組到戲劇科，再加上周刊雜志組，辭退員工過百。原先以為經過今次裁人熱潮之后，TVB會安穩一段時間。
點知入行23年，一直擔任兒童主持嘅蓋世寶上周卻聲淚俱下咁向媒體控訴，自己嘅人工畀削減三分之一，到手后嘅底薪僅為7000，而且工作量都驟減，不禁讓人心痛不已！
不過佢都唔系最慘嘅！原來甘草演員劉桂芳唔單止畀通知人工驟降95%，從10000底薪減到500之外，連原本簽署嘅合約藝人條款都縮沙，而家唯有算系臨時工，有工開嘅時候俾錢，冇工開就自己揾班上啦！據了解似佢咁嘅臨時畀轉簽嘅藝人仲唔喺少數。 
事后劉桂芳接受訪問時表示被高層約談嘅時候，講明呢個政策！唔系減薪，而系轉簽另一份合約，如果接受唔到，可以離開！雖然明知公司呢種做法太不近人情，但已經61歲劉桂芳仲系咬牙接受，一系自己年紀大咗，二來喺TVB做咗31年，對呢個地方好有感情，都不愿出去。 
新聞一出，唔少網友都彈TVB冇人情味，等于喺逼人走。不過在商言商，作為一間盈利性質嘅電視臺，TVB呢幾年嘅營業回報不斷下降，管理層自然都要通過各種節流嘅方法嚟縮減成本。而呢批年近半百嘅甘草演員，自然成為咗裁撤嘅對象！
不過咁大間電視臺，無故削減人工，就算有理都顯得太過冇陰功！話曬就拍劇而言，除咗主角之外，都要有人做配角，茄喱啡，如果只重視當紅藝人嘅價值，咁以后仲有邊個嚟做呢啲不受重視嘅角色呢？
尤其好似劉桂芳噉資深嘅演員，喺1988年加入TVB以嚟，就任勞任怨，即使TVB曾爆發過幾次挖角大潮中，佢都冇轉投敵臺，一直忠心耿耿！雖然佢演嘅大多數都系師奶、管家一角，可能睇咗就冇印象，但可以堅持31年，都系一般人做唔到嘅！ 
再講2016年拍攝《八時入戲》嘅時候，misshk清楚記得有一幕佢面色蒼白，對眼紅通通，卻仍舊開工，應該劇組為趕進度，不愿意臨時休場，讓佢休息啦！而佢都冇任何怨言，好彩喺呢部處境劇度，佢飾演嘅群姐仲有唔少臺詞，與毛舜筠都有好多對手戲，算系對得住演員身分。只系更多劇裏面，佢多數得幾句臺詞，都一樣這般認真，真系難能可貴！ 
而家一把年齡，為自己嘅興趣，即使遭遇不平等條約都堅守信念，值得所有人敬佩！都希望TVB能夠度過危機，喺新一年財源滾滾，善待呢啲陪伴觀眾長大嘅綠葉們！
Like MisshkNews Facebook！不出门也能知天下事～
