58歲亞視“忠臣”同時患多種病，今日要去「通波仔」

現年58歲藝人劉錫賢，呢排喺社交網站上載咗一張自己身在病房嘅相，令唔少網民擔心佢嘅身體狀況。劉錫賢留言表示：「終于輪到我要通波仔喇！」

原來，喺過去半年入面，劉錫賢已經多次覺得自己嘅身體不適同伴有頭暈嘅癥狀，於是就「的起心肝」去醫院做詳細檢查。

未料，檢查報告嘅結果就顯示，劉錫賢嘅心臟發現其中一條血管栓塞，醫生建議佢需要盡快進行手術治療。話曬已經58歲高齡，劉錫賢表示為咗自己嘅身體著想，唯有先放低手頭上嘅工作，聽從醫生嘅安排并于今日做「通波仔」手術。

劉錫賢入行多年，雖然聽名好多人都陌生，但系見到佢張相，相信好多劇迷仲系印象深刻嘅，在那個仲有亞視臺嘅年代入面，劉錫賢都算系亞視嘅代表人物之一啦。劉錫賢身材肥胖，從后生到而家都系，所以人稱「肥仔賢」。

1985年，劉錫賢報考咗首屆香港演藝學院戲劇系導演專科，畢業之后就正式加入亞視旗下發展。

早期，劉錫賢主要系喺亞視擔任節目主持工作，后來慢慢就開始主力拍電視劇。多年嚟，佢代表作都唔少，雖然一直都系演配角。佢演過嘅亞視劇集好多，比如《中環英雄》、《烈火雄風》、《賭神秘笈》、《包青天》、《法外英雄》、《誰是兇手之碎尸》、《真相之奪命家庭》以及《親親親人》等。

其中，最令人印象深刻嘅代表作，當數系《我來自潮州》同《縱橫四海》，演技爐火純青嘅劉錫賢，一直都深得劇迷認可。

不過到咗后期，亞視嘅發展不如意趨向執笠，好多藝人都紛紛離巢另尋出路，但劉錫賢就一直堅守陣地，所以佢都畀港媒稱為系亞視嘅「劉忠臣」。劉錫賢一共系亞視效力咗28年時間，直到2016年正式結束與亞視嘅雇傭關係，恢復自由身發展。

據悉，劉錫賢嘅體重曾經試過一度超過咗270磅，仲同時患有多種病，包糖尿病、高血壓同高膽固醇等。經歷過今次嘅「通波仔」手術，劉錫賢表示：「之后會注意飲食方面同作息時間，始終系命仔重要！」希望劉錫賢多多保重，早日康復！