51歲前港姐冠軍選擇單身唔結婚：揀錯對象比寂寞更寂寞

1989年港姐冠軍陳法蓉，雖然已經51歲，不過就好似食咗防腐劑咁，外貌十年如一日。有人說靚女特別多人追，陳法蓉都有講過自己身邊不乏追求者，但她一班好姊妹都已經嫁了，而她都還未有著落。

早前她出席原子鏸婚禮時，連網友都替她心急埋一份，留言祝她早日找到幸福。其實陳法蓉對愛情卻有另一番見解。

陳法蓉在《刑事偵緝檔案III》的演出令觀眾留下深刻印象，但她的感情生活就同戲內一樣慘澹。1994年曾與倪震拍拖，惟兩年後倪震同周慧敏複合，陳法蓉慘被單身。

後來她同富豪許晉亨多次傳出緋聞，但一直未有承認戀情。2003年拍攝《水月洞天》時，又同劇中拍檔楊俊毅發展戀情，不過最後都是無疾而終。

直至現在，陳法蓉仍然單身，但她的生活就非常充實，不時同朋友或者爸爸去旅行及做義工。

至於感情生活，她就表示不心急，還說是自己選擇單身：「我想講是我選擇單身，不是單身選我，選錯對象的話比孤單更孤單。」另外又指爸爸沒有催婚，反而是朋友比較緊張，還試過被朋友騙去相親，令她覺得好尷尬。