5歲童星喺《鐵探》表現大獲好評，選拔時擊敗咗一百幾個小朋友

熱播中嘅無線重頭劇《鐵探》備受關注，唔少人大贊惠英紅（紅姐）演技精湛，指無線以紅姐、姜皓文等金像獎級卡士，力捧袁偉豪成為視帝。

據報道，劇中飾演王君馨同袁偉豪囡囡”晴晴”嘅童星潘姿善（善善）都大獲好評，人氣急升！

今年5歲嘅潘姿善喺面試中擊敗咗一百多個小朋友，透過演技、應變能力、配合度、與藝人對戲等多項考驗，先獲得呢個演出機會。呢位備受矚目嘅童星畀觀眾力贊演技得掂，估計未來會喺無線有多啲發揮機會。

據指，《鐵探》有一幕講述「晴晴」畀歹徒脅持后嚇到瀨尿，但佢唔想媽媽鬧爸爸，所以故作鎮定，唔少人大贊佢演得好自然。

此前接受媒體訪問嘅時候，潘姿善媽咪Anna曾經指囡囡天生怕丑，啱啱入讀幼兒園時喊咗2、3個月，返學時又唔鐘意同人玩，自己坐喺一角，曾經擔心囡囡系咪患上自閉症。媽咪之後安排善善學習跳舞表演，隨著表演經驗增加，善善慢慢變得，越嚟越有自信。

善善細細個就已經喺一百幾人中脫穎而出，得到演出《鐵探》嘅機會，據指佢面試果時表現良好穩定，服從指令性強，喺跳舞同技能表現上，亦令人滿意，展現出自信一面。佢仲獲品牌邀請拍攝廣告，前途無可限量。

有唔少人都贊善善同劇中嘅媽咪王君馨好似呀，仲大贊選角相當畀心機！

善善演技咁自然，事關佢一早已經有唔少演出經驗，包括電視廣告、歌曲MV拍攝等。