現年31歲TVB新晉小花麥皓兒，舊年憑住臺慶劇《跳躍生命線》人氣急升，演技大獲關心。喺劇中飾演陳太嘅佢，雖然戲份唔多，但系有突破性嘅表現令觀眾贊賞，深得觀眾嘅歡心。
最近，麥皓兒忙于為三套新劇同時開工，真系忙到不可開交，劇接劇嘅佢即將喺《她、她、她的少女时代》、《致所有愛過的人》同《降魔的2.0》中陸續亮相，各位粉絲到時記得追劇留意佢精彩嘅演出！
受訪嘅時候，講到拍劇捱更低夜，麥皓兒就直言曾經試過直落三十個鐘，令自己身心疲累，但系見到拍出嚟嘅效果唔錯，自己覺得一切辛苦都值得。
她表示：「雖然我之前都有拍開劇，但同一時間為三套劇開工都系第一次，最犀利試過連續三十個鐘冇訓過，亦有成個禮拜日日瞓唔多過4個鐘，對我嚟講都有哋唔習慣。不過，今次三套劇嘅角色好唔同，要唔停噉轉換角色系一個大挑戰，所以讓我覺得好友成就感。」
1988年出世嘅麥皓兒，早年以一級榮譽畢業于伯明翰大學商業管理學士課程。之后，佢參加咗2007年嘅香港小姐競選，可惜當年落選止步于八強。
雖然落選，但麥皓兒仲系獲得無線欣賞，順利簽約喺TVB旗下，并獲安排喺人氣節目《味分高下》中亮相，令佢知名度急升。
之后，麥皓兒又獲捧上位，為多個無線節目擔任主持工作，包括《東張西望》、《寵物大聯盟》等，除此之外，仲曾經為多位名人做專訪，又為無線大型活動擔任司儀同推廣大使，所以佢形象十分健康兼親民。
除咗涉足司儀界，麥皓兒仲接拍電視劇，到而家已經參演過超過五十部劇集，其中包括《巨輪2》、《幕后玩家》、《致命復活》、《與諜同謀》、《我瞞結婚了》、《心理追兇Mind Hunter》、《全職沒女》、《踩過界》以及《溏心風暴3》等。
期待麥皓兒繼續為大家帶嚟多啲精彩作品！
Like MisshkNews Facebook！不出门也能知天下事～
