26歲港姐畀爆現身婦產科！“爺孫戀”前港姐戴巨磚出巡

較早時披露今年26歲、2014年港姐季軍何艷娟（Katherine）申請入紙排期結婚，下嫁現年66歲澳博營運總裁吳志誠。

昨日傍晚午時分，記者發現啱成為人妻嘅Katherine喺九龍企個商場貴氣出巡，見佢同有「清純栢芝」之稱嘅藝人楊埕喺露天茶坐嘆茶密斟，離開時更同楊埕肩并肩繼續傾唔停，兩人尤如孖公仔般一同以連身裙打扮并大騷白滑長腿，當中當然以Katherine最亮眼，一身珠光寶氣闊太打扮，單系其右手手上嘅巨型鉆戒，已閃爆全場！

Katherine見到記者時初有愕然，并話自己趕時間，但仍稍停影相同受訪，問到點解唔見吳志誠？她即甜笑說：「今日女仔傾下計。（幾時舉行結婚？）其實我地已經簽咗字，婚禮遲啲再攪，籌備中，請family and friends羅！（楊埕做姊妹？）系呀！（結婚想點搞？）簡單，唔需要好巴閉。」
問到結婚會喺香港或者外地搞？Katherine就以「諗嚇先」作回應。現正籌備婚禮嘅佢確忙唔停，因有網民爆料指，曾多次目擊佢喺養和醫院嘅婦產科現身。