阿媽想抱兩個孫，陳展鵬唔做「裙脚仔」驚老婆生B好痛，決定只生一個

舊年陳展鵬、單文柔10月新婚一個月即報喜，陳展鵬半年內雙喜臨門。結婚之後陳展鵬甘愿將財政大權同家中決策權奉上，呢排請咗工人、買千萬教育基金與保險都交由單文柔去處理。

而陳展鵬就搏命拍新劇《唐人街》，努力揾錢養家。日前宣布寶貝女小豬比出世，喺社交平臺一家三口曬溫馨合照，接受大家嘅祝福。

做咗人夫人父，陳展鵬凡事以妻女行先，為咗獎勵單文柔，除咗計劃喺寶貝女百日宴後一家外游之外，仲承諾會買樓送老婆。

呢次陳展鵬陪住單文柔懷胎十月入產房生女，睇到老婆所受嘅十級痛苦，又要打針捱刀，所有過程一目了然，剪臍帶當然都系陳展鵬做。

據悉，單文柔諗住順產，無奈作動好耐都冇成功，最后仲系緊急麻醉同開刀。

睇刀喺老婆身上，陳展鵬表示感覺好辛苦好心痛，本來諗住等單文柔生完恢復完繼續追生，不過今次陪產見證老婆十級痛，佢即刻打消念頭。

當小朋友出嚟，塊布遮住，陳展鵬表示見到佢之後心情好開心。

知情者透露，陳展鵬除咗孝順仲系一個好老公，心知阿媽想要孫女孫仔，但系見到老婆生仔好痛，決定只生一個。

為咗畀老婆安樂產子，陳展鵬豪洗10萬定產房，喺荃灣港安醫院秘密生B。