阿妹申請破產，家姐豪門夢碎？

「安心偷食」之後，黃心穎就逃離到美國修學，一時間所有工作都畀頂替，有傳廣告商按違約處理要求索賠，數目可能超過3千萬。

甚至有傳畀佢影響嘅劇集嘅重拍費就高達千萬，而且系一次過付清！所以不得不考慮申請破產避債。

講到許志安，事發之後一直留喺香港“思過”，啱啱喺母親節、重陽節同好兄弟張衛健共同完成四場郵輪商演，不過由于佢全面停工，於是張衛健一個人獨自頂上，“幫”許志安避過咗百萬賠償。

講返黃心穎，一個人形象破產，就連姐姐黃心美、老竇都畀起底，姐姐插足過人哋嘅婚姻仲蝦過正宮：

黃爸爸曾經有過一段“婚外情”，而且仲系自己個女黃心美曝出嚟嘅。

黃心美當初仲聲稱好反感老竇嘅“婚外情”，諗唔到宜家自己被曝插足人哋婚姻，阿妹被曝孭住男朋友同已婚許志安偷食。

“黑歷史”越講越多，呢一下大家不得不重新審視黃家人嘅形象，黃心美舊年被曝與“超級筍盤”馬桂烽拍拖，雖然黃心美大馬桂烽10歲，但兩個人感情發展得相當穩定，馬桂烽嘅父母都好開明。

眼睇一只腳已經邁進“豪門”，呢排有傳「安心偷食」愈演愈烈，讓馬桂烽看清咗一啲野，再加埋屋企人“有意見”，於是佢開始淡出呢段感情。

豪門少不免睇重聲譽，黃家嘅情況成為佢嫁入豪門嘅“阻礙”都不足為奇，都唔怪得會畀男朋友“拋棄”，如果分手屬實，咁真系豪門夢碎！黃心穎真系陀衰家！