最近天氣反復無常，忽冷忽熱，唔少老友都頂唔住呢種天氣而病倒。日前，TVB新一代宅男女神陳瀅就為TVB新劇《黃金有罪》到山頂取景拍攝，加埋先前佢已經抱恙在身，拍攝時更加系凍親。
佢就表示，先前啱啱兩部劇同時開拍而導致重疊，每日只有半個鐘睡眠間，體力嚴重透支導致病倒。佢話：”冬至當日連續48鐘頭冇瞓，婆婆成日話冬大過年，佢喺廣州，我陪唔到佢過，加埋壓力大仲病倒，返到屋企忍唔住喊。」 
陳瀅繼續講：「覺得自己點解咁辛苦，但喊完就冇事，朋友都安慰我話努力會有回報。而且我好熱愛工作，覺得都系好經驗，發覺48鐘唔瞓都頂得住，下次可以挑戰60個鐘唔瞓，不過就唔好兩部劇重疊，因為身體支持唔到，表現都會差啲。」 
而較早前，陳瀅就喺社交網上上載咗去嘉年華游船河嘅相，不過女神嘅最大亮點卻是喺佢身邊嘅緋聞男友羅天宇，其實早喺前兩個人就已經傳出緋聞，兩人感情如幻似真，但兩個人都連隨否認拍拖，但系又不時一同結伴出動，冇避忌。 
陳瀅坦言：「我哋嘅緋聞由拍《跳躍生命線》開始傳，可能觀眾都好鐘意我哋呢一對，想我哋現實都喺一齊，不過我哋系好朋友，好多聚會都會一齊，圣誕都有機會約上佢同一班朋友聚會。佢系一個好男生，但唔會有發展。因為已經friend咗一段時間，唔會有咩而改變關系。」 
至於羅天宇，佢喺訪問中都表示：「大家真系好朋友，經常會同成班朋友食飯同周圍去玩，都冇諗過會發展。呢排都會同田蕊妮拍劇，所以圣誕都會同佢過啦，哈哈。」
Like MisshkNews Facebook！不出门也能知天下事～
