追豬女失敗，TVB力捧小生直言希望追「鼠寶寶」

舊年《BB來了》憑借其貼地劇情同演員嘅落力演出而成功入屋，而喺劇中飾演“允豬”爸爸嘅黎諾懿，日前就以代言人嘅身份現身“BB展”，屆時佢更化身銷售員近距離“拉客”。

佢笑言：”其實我細個嗰陣做過四年暑期工，喺書店做賣貨員賣二手書，但賣二手書比賣新書困難，要特別落力去推銷，所以練得好口才，而且仲要面皮厚、唔怕醜。“

喺活動中畀唔少媽咪追問《BB來了》續集幾時開拍，黎諾懿表示：“估唔到呢部劇播完差唔多一年，仲有觀眾記得，追問我續集幾時拍，我同佢哋講會十月開拍，上集有好多BB替身飾演允豬角色，不過續集再冇BB替身，今次允豬得一個，所以要花多啲時間去揀一個乖D嘅BB去演。”

其實黎諾懿喺與太太結婚之後已經育有一子，不過一直鐘意囡囡嘅黎諾懿，由年頭就開始咗追豬女大計，問到而家進度點，黎諾懿就直言徹底失敗。

佢話：”今年經常出埠拍節目，所以追豬女宣布計劃失敗，不過我一直都有進行當中，希望可以追鼠寶寶，係B女就最好。”

1980年出世嘅黎諾懿入行多年，到而家參與唔少劇集嘅拍攝，比如《拍拖自由式》、《下一站彩虹》、《高朋滿座》、《溏心風暴》、《美麗高解像》、《愛回家》、《燦爛的外母》、《不懂撒嬌的女人》、《BB來了》等。

據悉，喺跟住落嚟嘅新劇《街坊財爺》、《C9特工》、《BB來了2》中黎諾懿同樣有份演出，期待佢精彩嘅表演，加油！