日前，有住“十優港姐”之稱嘅麥明詩就以一身旗袍出席咗《芝麻開運“型”新春》嘅活動。今次都系麥明詩喺臺慶后再次向大眾展現舞技，明顯睇得出比之前臺慶時嘅表演進步咗唔少，唔知系咪今次無咁緊張呢？
咁對于新年嘅愿望，麥明詩就話：“新年要有新愿望，改善我自己做得唔好嘅地方，都有喺腦海花時間去排舞嘅，都覺得自己表現好好，同幾個朋友佢哋初次見面，仲有冇機會一齊夾，可能佢哋快咗啲，接工作嘅嗰陣無問要跳幾多，唔問嘅。” 
不過喺活動上，麥明詩就透露自己跟住將會去柬埔寨拍攝節目，然而今次去柬埔寨嘅方式會比較特殊，全因系要踩！單！車！去！無錯，就系踩單車去！對此，麥明詩就既興奮又緊張，對于呢次旅游十分期待。 
佢話：“勤力練車，執物資，糧食，衣物，單車零件，最緊要系心理狀態，會踩住單車過新年，今次離開香港咁耐，都約咗朋友食飯，做咗新年要嘅嘢做先。” 
麥明詩繼續講：“教練話我可以快啲，早兩日去大帽山由山腳踩上山頂，都算系喺2019年完成咗一件人生大事，之前都無上過大帽山，行都未試過，希望朝住呢個咁好嘅開始，跟住落嚟嘅旅程會好順利啦。” 
咁今次嘅“單車之旅”，除咗麥明詩之外，仲有TVB小生潘梓鋒會一同前行，而佢同透露單車教練將會喺后半部分先會嚟。然而你到而家依舊單身嘅麥明詩，喺較早時嘅訪問中曾經表示話唔排除同教練踩出“火花”，唔知兩個人有無發展嘅空間呢？ 
麥明詩知悉后，連隨笑住澄清話：“‘火花’嘅意思系發展單車興趣嘅空間，不過教練的確好細心，照顧我起居飲食，關心我有冇補充體能同營養，關心我有冇拉筋，都幾窩心嘅。”雖然麥明詩否認，不過咁睇，兩個人嘅相處都幾好嘛～ 
1991年生嘅麥明詩同大多數藝人一樣都系通過選美而入行，憑借參加2015年香港小姐競選奪得冠軍而備受賞識嘅佢，連隨獲得TVB嘅力捧，兼夾喺多部劇集中擔任重要角色，入行三年幾嘅時候，喺舊年就憑借《是咁的，法官閣下》中嘅夏律師而首次獲得角逐視后嘅提名。 
據悉，喺跟住落嚟嘅TVB新劇《殺手》中麥明詩同樣有份參演，唔知今次麥明詩嘅演技會否比之前有所進步呢？大家不妨一齊拭目以待！
Like MisshkNews Facebook！不出门也能知天下事～
