今日，TVB人氣小花龔嘉欣與吳業坤等藝人，齊齊現身出席新劇《大醬園》拜神儀式。期間受訪時，二個人表示今次系大家時隔兩三年再度合作，而且對手戲都唔少，直言興奮期待。
問到喺劇中，系吾系合演情侶？龔嘉欣就笑謂，自己喺劇中系負責教導吳業坤溝女。
二個人老友鬼鬼，龔嘉欣又笑吳業坤喺現實中都相當鐘意溝女，不過就表示未知道二個人今次會唔會系飾演一對情侶。吳業坤就表示：「今次可以同嘉欣、朱晨麗同何廣沛三位前輩合作，同佢哋學習。」 
龔嘉欣又笑指，吳業坤包起咗眾人三餐：「因為佢而家排演唱會，所以我哋嘅通告都要就佢嚟安排時間，個個半夜先拍劇，所以佢就包我哋早午晚三餐，又會幫我哋剝橙，哈哈。」 
傾到較早時龔嘉欣拍另一部新劇《殺手》，接二連三受傷見報，較早時更畀媒體影到個樣極殘去睇中醫求助。
對此，龔嘉欣就直言需要調理身體：「因為開工時間太耐，每日都只系瞓四、五個鐘啫，有時甚至直接冇得瞓，所以要照顧下自己嘅身體，之前捱殘咗。」
現年30歲嘅龔嘉欣，系TVB力捧小花之一。據聞，佢畢業于香港演藝學院戲劇學院修讀兩年制戲劇戲。
2008年，佢首次接拍無線劇集《盛裝舞步愛作戰》，由于表現出色，龔嘉欣好快就獲得TVB轉簽親生女（經理人）合約。
加盟TVB后，龔嘉欣主力拍電視劇，不過由于出道早期時，形象較為青澀兼具少女氣息，所以經常被安排喺劇中飾演妹妹或者少妹之類嘅角色，戲份唔算多。
直近年，龔嘉欣脫胎換骨，開始轉走輕熟女路線，唔單止氣質變咗，連戲路都就更加廣闊咗。
仲記唔記得佢喺《幕后玩家》中，飾演黃宗澤老婆程思汝一角嗎？當知道老公出軌之後，嗰種崩潰同心痛，龔嘉欣發揮到淋漓盡致。
特別系坐喺公園歇斯底里痛哭嗰幕，睇喊咗幾多觀眾？龔嘉欣嘅演技大爆發令佢好評不斷，人氣大升！結果，佢以大熱姿態憑該角色勇奪萬千星輝頒獎典禮“最佳女配角”殊榮！
據悉，喺跟住落嚟嘅多部TVB新劇，包括《包青天再起風云》、《殺手》、《大醬園》等，都均有龔嘉欣嘅重戲份演出，各位粉絲到時不妨可以多哋留意住佢嘅精彩演出！
Like MisshkNews Facebook！不出门也能知天下事～
